Mi a só Tonio Balsemìn, a só nato a Castelo de Arzegnàn (Vicensa) el 23 otobre 1939.
Fin da zóvane tuto me interessava. A go gironzolà on fià par el mondo e, par mantegnerme, a go fato tanti mestieri. Da trent'ani vivo a Roma.
In sti ùltimi ani (dopo gaver vudo on sogno-discorso co me mama ne la note del 7 lujo 1997) a go deciso de mèterme a scrìvar in dialeto de la me val e, in taxi, tra corsa e corsa, scrivo le me curte storie.
Ne i me raconti rivivo la me infansia có stavo tacà ai animai e vivéo in canpagna, invento novele e spòlvaro le fiabe de i antichi.
Mi spero tanto de far na roba bela e bona par el me dialeto natìo e, me àuguro, cussì, de ofrir na piassèvol letura.
Tanti cari saludi.

Tonio Balsemìn
 
Via dei Foraggi, 93 • 00186 Roma • IT
Tel. • Segr. • Fax: +39 06 6788981
Posta letrònica: mail@antoniobalsemin.it